ბლოგი
მითი: აკნე გარდატეხის ასაკის შემდეგ თავისით გაქრება

მითი: აკნე გარდატეხის ასაკის შემდეგ თავისით გაქრება

რეალობა: სამწუხაროდ აკნე ასაკთან არანაირ კავშირშია

მათთვის, ვისაც ეს პრობლემა მოზარდობის პერიოდში აწუხებს ამის გაგება არასასიამოვნოა, მაგრამ გარკვეული ასაკის დადგომასთან ერთად აკნე ჯადოსნურად არ გაქრება. რა თქმა უნდა გარდატეხის ასაკის შემდეგ ჰორმონალური ფონი დაბალანსდება, მაგრამ აკნეს გამომწვევი კიდევ რამდენიმე ფაქტორი არსებობს.

ჰორმონები

განსაკუთრებით ქალის ორგანიზმი მთელი ცხოვრების მანძილზე ბევრ ჰორმონალურ ცვლილებას განიცდის. ჯერ გარდატეხის ასაკი, შემდეგ 20 წლის ქალის ორგანიზმი სხვანაირად ფუნქციონირებს, ვიდრე 30, 40 ან 50 წლის ასაკში. ამას დაამატეთ ორსულობა და მენოპაუზა. არის კიდევ რიგი ჰორმონალური დარღვევები, რაც იწვევს აკნეს.

მოვლა

აკნეს ერთერთი ყველაზე ძლიერი გამომწვევი ფაქტორია კანის ზედაპირული ანთებითი პროცესები, რომლებიც შეიძლება გამოიწვიოს უხეში და/ან არასწორად შერჩეული მოვლის საშუალებების გამოყენებამ. შეიძლება მოვლის პროდუქტი შეიცავდეს ისეთ გამაღიზიანებელ ნივთიერებებს როგორიც არის სინთეტიკური არომატიზატორები, სულფატები, მაღალი კომედონოგენური ინგრედიენტები და ა.შ.

კვება

იცოდით, რომ გლუტენის მიმართ სენსიტივობა ასევე იწვევ აკნეს? გლუტენის მოლეკულა ზედმეტად დიდია კანის ზედაპირში შესაწოვად, ამიტომ ეს არ არის ზედაპირული პრობლემა. გლუტენი აკნეს შიგნიდან იწვევს. რძის ნაწარმი, კოფეინი, შაქრის მაღალი შემცველობის პროდუქტები, ასევე ახდენენ ამაზე გავლენას.

ფიზიკური მიზეზები

აკნე, დაბინძურებული ფორები და შავი წერტილები გამოწვეულია ცხოვრების წესით და/ან ფიზიკური მიზეზებით. სტრესი გავლენას ახდენს ჰორმონებზე და შესაბამისად კანის მდგომარეობაზეც. ან შეიძლება რომელიმე სპორტის სახეობისთვის ჩაფხუტი გაფარიათ, რომელიც კანთან კონტაქტის ადგილას, მიკრობების გამრავლებისთვის იდეალურ გარემოს ქმნის. ასევე ხახუნიც იწვევს ცხიმის ჭარბ გამოყოფას და შესაბამისად აკნესაც.

ჩვენ გირჩევთ აკნეს მკურნალობა დაიწყოთ მისი გაჩენის მიზეზების გამოკვლევით. შეიმოწმეთ ჰორმონები, მოაწესრიგეთ კვება და გაარკვიეთ რა პროდუქტები პროვოცირებს აკნეს, გადახედეთ თქვენს მოვლის საშუალებებს და შეამოწმეთ თუ ისინი გამაღიზიანებელ და კომედონოგენურ ინგრედიენტებს შეიცავენ.

მოგვწერეთ, თუ გაინტერესებთ რომელ ინგრედიენტებს განსაკუთრებული ყურადღება უნდა მიაქციოთ!

და დაიმახსოვრეთ, თვითმკურნალობამ შეიძლება არა მხოლოდ ხელი შეგიშალოთ პრობლემის აღმოფრხვაში, არამედ კიდევ უფრო გაართულოს მდგომრეობა. აუცილებლად მიმართეთ კვალიფიციურ ექიმ ენდოკრინოლოგს ან დერმატოლოგს.

სრულად ნახვა
12+ მოზარდის კანის მოვლა

ინტერნეტი სავსეა სხვადასხვა მოვლის რჩევებით, რომელიც ყოველთვის სწორი არ არის. ხშირად ჩვენ თვითონ ვერ ვანსხვავებთ მედია სივრცეში გავრცელებულ სწორ და მცდარ ინფორმაციას. საიდუმლო არაა, რომ თანამედროვე ბავშვებს და მოზარდებს არასაიმედო რესურსებთან წვდომა მარტივად შეუძლიათ. ხშირად არაკვალიფიციური რჩევები პრობლემური კანისთვის კიდევ უფრო დიდი გართულებების მიზეზი შეიძლება გახდეს. რას არ გააკეთებს ბავშვი გარდატეხის ასაკში გამონაყარისგან გათავისუფლებისთვის!

მნიშვნელოვანია გვესმოდეს, ჩვენც და ჩვენს ბავშვებს, რომ კანის მოვლის მითები მითებად უნდა დარჩეს. სინამდვილეში ყველაფერი ბევრად მარტივია.

  • არ შეიძლება სახის დაბანა საპნით, შამპუნით და შხაპის გელით. ასევე გამორიცხეთ დასაბანი სპონჟები, ჯაგრისები  და ღრუბლები.
  • არ შეიძლება გამონაყარის ხელით წვალება და ამოღება, არასდროს! ხშირად ეს იმპულსიურად და ჭუჭყიანი ხელებითაც კეთდება, წარმოიდგინეთ რა პრობლემები მოყვება ღია ჭრილობაში ბაქტერიების შეჭრას. ეცადეთ აუხსნათ მოზარდს, რომ გამონაყარის წვალებამ შეიძლება მთლიან სახეზე ინფექციის გავრცელება გამოიწვიოს. ერთი ანთებითი ელემენტის ადგილას მართლაც ორი ან მეტი შეიძლება გაჩნდეს.
  • არ შეიძლება ადგილობრივი ანტიბიოტიკების შემცველი პროდუქტების გამოყენება ექიმის დანიშნულების და კონტროლის გარეშე.
  • არანაირი სკრაბი (მითუმეტეს ბუნებრივი აბრაზიული ნაწილაკებით), სოდა და კლარისონიკის ტიპის მოწყობილობები.
  • არანაირი ზეთი, ცხიმიანი კრემი! თუ კანი მშრალი და დაჭიმულია – საჭიროა მოვლის მიდგომის და ბაზის შეცვლა.

რა შეიძლება და რა არის საჭირო:

  • სახის დაბანა დღეში ორჯერ: დილით და საღამოს! აარჩიეთ ნაზი, უსულფატო დასაბანი გელი ან ქაფი. გასუფთავება უნდა იყოს ღრმა, მაგრამ დელიკატური!
  • ლოსიონი/ტონიკის გამოყენება სიმშრალის და დაჭიმულობის შეგძნებისგან გასათავისუფლებლად.
  • კრემი მზისგან ან ძლიერი სიცივისგან დაცვისთვის,  ზღვის და აუზის შემდეგ.
  • კოსმეტოლოგთან ვიზიტები. სპეციალისტი დაგეხმარებათ სწორი მოვლის შერჩევაში და პუბერტატული პერიოდისთვის აქტუალური კანის პრობლემების და სიმპტომების გადატანაში.

ესთეტიკური კაბინეტის სტუმრების დიდი ნაწილი მოზარდობის პერიოდში დაშვებული შეცდომების გამოსასწორებლად მისული ადამიანების, ასეთი ნაწვალები გამონაყარის შემდეგ გაჩენილი ნაწიბურები, სპირტით გამომშრალი კანი, ნაადრევი ნაოჭები და სხვა. მნიშვნელოვანია თავის მოვლის ჩვევების ბავშვობიდან ჩამოყალიბება, თქვენს ძალებშია მიაჩვიოთ შვილები სწორ მოვლას, როგორც ბავშობიდან ასწავლიდით სიარულს, ლაპარაკს, თმის დავარცხნას, სადილამდე ხელების დაბანას და ძილის წინ კბილების გამოხეხვას. ეს ასეთივე მარტივი და სასარგებლოა!

სრულად ნახვა
ბიშექტომია - დადებითი და უარყოფითი არგუმენტები

მომრგვალებული ქალური ოვალი თუ გამოკვეთილი “მოდელური” ყვრიმალები? ბევრი მოსაზრება არსებობს ბიშას ბურთულების ამოკვეთის შესახებ, ამ პოსტში გაგიზიარებთ ყველაზე ძლიერ არგუმენტებს პროცედურის მომხრეებისგან და მოწინააღმდეგებისგან. გჭირდებათ თუ არა ლოყების მიდამოში ცხიმოვანი ქსოვილების მოშორება – თავად გადაწყვიტეთ. გემოვნებაზე ხომ არ დაობენ?..

არგუმენტები PRO:

  1. ლოყების ზომის შემცირებით და ყვრიმალების გამოკვეთით სახის სწორი პროპორციების მიღწევა არის შესაძლებელი.
  2. სახის გენეტიკური ტიპით განპირობებული ზედმეტი ცხიმისგან გათავისუფლების ყველაზე ეფექტური მეთოდია. ბიშას ბურთულების ანატომია განსხვავებული ჩვეულებრივი ცხიმოვანი ქსოვილისგან, მათი ლიპოსაქციით კორექცია შეუძლებელია. ბიშას ბურთულები გამხდარ სახეზეც შეიძლება იყოს.
  3. აღნიშნული პროცედურა სახის კუნთების მოდუნებით გამოწვეული ასაკობრივი ცვლილებების აღმოფხვრაში გვეხმარება. შესაძლებელია ცხვირ-ტუჩის ნაკეცის გაღრმავებასთან, სახის ოვალის დარღვევასთან და ქუთუთოების ფტოზის (მოშვების) პრევენცია და კორექცია. სახის ქირურგიულ ლიფტინგთან კომბინაციაში ბიშექტომია მაქსიმალურ შედეგს იძლევა მკაფიოდ გამოხატული ასაკობრივი ცვლილებების დროსაც.
  4. ასაკთან ერთად ბიშას ბურთულები კარგავენ თავის ფუნქციებს. მათ დეფორმირების შემდეგ ყბა გარე დაზიანებების წინაშე და საღეჭი კუნთები – საკვების მიღების დროს ცვეთისგან დაუცველი რჩება.
  5. მანიპულაცია უდაოდ გამოცდილმა ექიმმა უნდა ჩაატაროს – პლასტიკურმა ან ყბა-სახის ქირურგმა. სპეციალისტი გამოგკითხავთ და დაგინიშნავთ გამოკვლევებს და რაც მთავარია – სწორად შეაფასებს ბიშას ბურთულების სრული თუ ნაწილობრივი ამოკვეთა უნდა მოხდეს და როგორი იქნება მოსალოდნელი შედეგი.
  6. ბიშექტომია ლოყების კორექციის ყველაზე ოპერატიული მეთოდია, პროცედურა დაახლოებით 40-60 წუთი გრძელდება.
  7. პროცედურა დიდ დისკომფორტთან არ არის დაკავშირებული. აუცილებელი სარეაბილიტაციო პერიოდი გულისხმობს 3-5 დღის განმავლობაში შეშუპებას და სპეციალური კომპრესიული ნიღბის ტარებას. ასევე ამ დღეებში უნდა შეიზღუდოს ფიზიკური დატვირთვა, ძალიან ცხელი, ცივი, მარილიანი, ცხარე და რთულად საღეჭი საკვების მიღება.
  8. მანიულაცია არ აისახება ღეჭვის ფუნქციაზე, დაახლოებით 3 დღეში თქვენ შეგიძლიათ დაუბრუნდეთ ჩვეულ კვების რეჟიმს.
  9. ოპერაციის შედეგი მთელი ცხოვრების განმავლობაში ნარჩუნდება, ბიშას ბურთულების ცხიმოვანი ქსოვილი არასდროს აღდგება.

არგუმენტები CONTRA:

  1. სახის მსუბუქი სიმრგვალე ვიზუალურად აახალგაზრდავებს. რა თქმა უნდა ბუნებრივად გამხდარი მოდელური ლოყები მიმზიდველია, მაგრამ როცა საუბარია არაბუნებრივ მონაცემებზე და სახის ანატომიური წყობის კარდინალურ ცვლილებებზე ქირურგიული გზით, როგორც წესი, ხელოვნურად შექმნილი ჩავარდნილი ლოყების ეფექტი სახეს ვიზუალურად ასაკს მატებს.
  2. ქალბატონები, რომლებმაც პროცედურა 10-15 წლის წინ ჩაიტარეს უფრო დაღლილად გამოიყურებიან. ამის მიზეზი ჰორმონალური ცვლილებებია, რომლებიც თან ახლავს დაბერების პროცესს (28-38 წლიდან). თუ ნორმალურ პირობებში ეს პროცესიი იწვევს ბიშას ბურტულების დეფორმაციას და ლოყების ჩავარდნას, ადრე ჩატარებული ბიშექტომიის შემთხვევაში ეს ეფექტი უფრო თვალსაჩინოა.
  3. ოპერაციის შედეგი შეუქცევადია. ამ მიდამოში აქტიური მიმიკის და ღეჭვითი მოძრაობების გამო, შეყვანილი ცხიმი თუ შემავსებელი გელი სწრაფად გაიწოვება და იმპლანტების დასაყენებლად ამ მონაკვეთში უბრალოდ არ არსებობს დამაგრების საშუალება. ნებისმიერი კოსმეტოლოგიური თუ ქირურგიული მეთოდი მხოლოდ ხანმოკლე პერიოდით დაგიბრუნებთ მოცულობას.
  4. შესაძლებელია, ბიშექტომია მხოლოდ თანამედროვე მოდური ტენდენციების შედეგია, როგორიც ადრე იყო ზედმეტად ნოცულობაში გაზრდილი ტუჩები, ძალიან ვიწრო და აპრეხილი ცხვირი, მკვეთრად გამოხატული ყვრიმალები და ა.შ. ქალბატონები, რომლებიც თავის დროზე ამ პროცედურებს იტარებდნენ ხშირად ცდილობენ მათი ეფექტის მოშორებას, როცა მოდა ბუნებრიობას და ჰარმონიული სახის ნაკვთებს უბრუნდება.
  5. ლოყების მოცულობის ვიზუალურად შემცირების ნაკლებად რადიკალური მეთოდებიც არსებობს, ასეთია ყვრიმალების მცირე გამოკვეთა ფილერების საშუალებით. თუ საუბარია ბიშას ბურთულების დეფორმირებაზე, ყოველთვის შესაძლებელია მისი კორექცია და ლიფტინგი. ასეთი მანიპულაცია შეინარჩუნებს მოცულობას და შესანიშნავ ლიფტინგის ეფექტს მოგვცემს.
  6. მანიპულაციის შემდეგ რეაბილიტაცია მინიმუმ 3 დღე გრძელედება და მთელი პერიოდი საჭიროა კომპრესიული ნიღბის ტარება. მაგალითად ფილერების ინექციის შემდეგ ასეთი შეზღუდვები არ არსებობს.
  7. ზოგ შემთხვევაში პირის ღრუს ლორწოვანზე არსებული განაკვეთის ადგილას ნაწიბური დისკომფორტს იწვევს, რომელიც 6 თვემდე შეიძლება გაგრძელდეს.
  8. მანიპულაციის ჩატარება მიზანშეწონილია თუ არა, შეუძლია მხოლოდ გამოცდილმა ქირურგმა მოგახსენოთ, რომელიც პროცედურას არ ჩაატარებს მხოლოდ მატერიალური სარგებელის გამო.
  9. ბევრ შემთხვევაში პოტენციურმა პაციენტმა ნახა, რომ ნაცნობს ძალიან მოუხდა ესა თუ ის ჩარევა, ცნობილი ადამიანის მიმზიდველი სახის ნაკვთები ხიბლავს, მედია ინფლუენსერი რეკლამას უწევს სხვადასხვა ჩარევას, რომელიც მან ჩაიტარა ან არა. ნებისმიერ შემთხვევაში გასათვალისწინებელია, რომ თითოეული ადამიანის სახის ანატომია განსხვავებულია და ერთი მეთოდი ყველასთის შესაფერისი არ არის. კარგად დაფიქრდით, თქვენი ბუნებრივი და ინდივიდუალური ნაკვთების შენარჩუნება თუ სხვა ადამიანად გადაქცევა გსურთ?

გადაწყვეტთ თუ არა ბიშექტომიის ჩატარებას, ყოველთვის გახსოვდეთ, რომ ეს მცირე მაგრამ ქირურგიული ოპერაციაა, რომლის დროსაც კეთდება განაკვეთი. მანიპულაციის მსვლელობისას და მისი შედეგების პროგნოზირებისთვის აუცილებელია შესაბამისი ანატომიური ცოდნა და ესთეტიკური ხედვა, რომელიც მხოლოდ ესთეტიკური სფეროში მომუშავე ქირურგს გააჩნია. ამიტომ მიუხედავად იმისა, თუ რამდენად მარტივი ჩანს ერთი შეხედვით ჩარევა, მისი ჩატარება მხოლოდ სტერილულ საოპერაციოში უნდა მოხდეს და არა სტომატოლოგიურ ან კოსმეტოლოგიურ კაბინეტში. გაუფთხილდით თქვენს ჯანმრთელობას და პასუხისმგებლობიანად მიუდექით სპეციალისტის შერჩევას.

ინდივიდუალური უფასო კონსულტაციისთვის ჩაეწერეთ ჩვენს ქირურგებთან ტელ.: +995 32 2181814

სრულად ნახვა
საშემოდგომო მოვლის თავისებურებები

შემოდგომა საქართველოში ყოველ დღე განსხვავებულია. დილით მზე, მერე წვიმა, ისევ მზე და არავის გაუკვირდება, ოქტომბერში სეტყვა და თოვლი რომ წამოვიდეს. ამიტომ პირველი რჩევა საშემოდგომო მოვლის შერჩევისთვის – გაიხედეთ ფანჯარაში და გადაამოწმეთ – დღეს ჯერ ზაფხულია თუ უკვე ზამთარი?

ასე რომ საშემოდგომო პერიოდს პირობითად ორად ვყოფთ:

  • ოქტომბრის შუა რიცხვებადმე ვაგრძელებთ ზაფხულის მოვლას, ვიცავთ კანს ულტრაიისფერი გამოსხივებისგან, მზეზე ყოფნისას SPF კრემებს გამოვიყენებთ.
  • მეორე ნახევრიდან გადავდივართ ზამთრის მოვლაზე. მზე ნაკლებად აქტიური ხდება და შესაძლებელია მჟავებით კოსმეტიკის გამოყენება და ქიმიური პილინგები. საჭიროების მიხედვით ვცვლით კრემს, ვარჩევთ უფრო სქელ და მდიდარ ტექსურებს. მოვლაში ვრთავთ შრატებს და მზიანი სეზონის შემდეგ აღმდგენ საშუალებებს.

მნიშვნელოვანია ვიცოდეთ, რომ მოვლის საბაზისო წესები უცვლელია ნებისმიერ სეზონზე. გააგრძელეთ კითხვა და გაიგეთ რომელი პროცედურები საჭიროა ჩაიტაროთ ყოველდღიურად, რომელი ყოველკვირეულად და ამისთვის რომელი პროდუქტები და რა თანმიმდევრობით არის საჭირო.

ეტაპი 1: დემაკიაჟი

რას გამოვიყენებთ?

  • მიცერალური წყალი
  • ორფაზიანი საშუალებები
  • ქაფი/რძე/გელი

მნიშვნელოვანია!

  • მიცერალური – არ არის დაბანის ალტერნატივა ან ტონიკი/ლოსიონის ანალოგი
  • მაკიაჟის მოსაცილებელი ნებისმიერი საშუალება აუცილებლად უნდა ჩამოიბანოს დასაბანი საშუალებით

ეტაპი 2: დაბანა

რას გამოვიყენებთ?

  • გელი
  • ქაფი
  • გამწმენდი პუდრი
  • რძე

რისთვის არის საჭირო?

სახე დილიდან კანის ცხიმისგანს საჭიროებს გასუფთავებას, საღამოს – ცხიმისგან + კოსმეტიკის და გარემოსგან დაბინძურებებისგან.

როდის გამოვიყენოთ?

  • ყოველდღიურად დილით და საღამოს.
  • თუ დადიხართ სპორტულ დარბაზში – ვარჯიშის შემდეგაც სახე უნდა გასუფთავდეს.
  • ზღვაში, აუზში, მდინარეში და ა.შ. ბანაობის შემდეგ

მნიშვნელოვანია!

  • არანაირი საპონი სახის დასაბანად!
  • არანაირი სპონჟი, ღრუბელი, ფუნჯი ან ჯაგრისი! მხოლოდ ხელებით!
  • მიცერალური, ორფაზიანი სასუალებები ან ჰიდროფილური ზეთი – მაკიაჟის მოსაცილებელია და არა დასაბანი საშუალება. მატი გამოყენების შემდეგ დაიბანეთ სახე გელით/ქაფით/რძით.
  • პილინგიც არ არის დაბანა
  • შეარჩიეთ დასაბანი საშუალება საერთოდ SLS და SLES* გარეშე ან ისე რომ სულფატები არ იყოს ძირითად შემადგენლობის (ანუ ჩამონათვალში პირველ ადგილებზე)

ეტაპი 3: ტონიზირება

რას გამოვიყენებთ?

  • ლოსიონი
  • ტონიკი
  • ტონერი

სამივე სინამდვილეში ერთი და იგივე საშუალებაა სხვადასხვა მარკეტინგული დასახელებით!

ბევრი ადამიანი შესაბამისად არ აფასებს ლოსიონის მნიშვნელობას და უგულებელჰყოფენ მას! სწორი მოვლის დაწყება თუ გსურთ, დაიწყეთ სწორედ დასაბანის და ტონიკის კომბინაციის შერჩევით. სწორედ ეს წყვილი პრობლემების 90% წყვეტს!

რისთვის არის საჭირო?

  • კანის pH**-ბალანსის აღდგენისთვის (კანის პრობლემების უმრავლესობა pH-ბალანსის დარღვევით არის გამოწვეული)
  • უხეში წყლის დარბილებისთვის
  • დასაბანი საშუალების მოქმედების ნეიტრალიზებისთვის

როდის გამოვიყენოთ?

  • ყოველდღიურად დილით და საღამოს, ყოველი დაბანის და წყალთან კონტაქტის შემდეგ.

მნიშვნელოვანია!

  • კარგი ლოსიონის შემდეგ არ უნდა იგრძნობოდეს კანის დაჭიმულობა და სიმშრალე
  • მიცერალური ან თერმული წყალი არ არის ლოსიონი. ეს სამი სხვადასხვა დანიშნულების პროდუქტია. თუ პროდუქტზე კითხულობთ “მიცერალური ტონიკი” ან “თერმული ლოსიონი” – ეს ან ერთია, ან მეორე, და უდაოდ მომხმარებლის დაბნევის ან მოტყუების მცდელობა!
  • ლოსიონის შემადგენლობაში არ უნდა იყოს ეთილის სპირტი – Alcohol, Alcohol Denat, Ethanol***

ეტაპი 4: ქუთუთოების კრემი

ქუთუტოების კრემი აუცილებელია!

ქუთუტოების და სახის კრემი უნდა განსხვავდებოდეს!

რისთვის არის საჭირო?

თვალების გარშემო კანი უფრო თხელი, მშრალი და მგრძნობიარეა, მას გამორჩეული დელიკატური მოვლა შესაბამისი შემადგენლობის საშუალებით ესაჭიროება.

როდის და როგორ გამოვიყენოთ?

  • ყოველდღიურად დილით
  • ღამით სურვილის მიხედვით, მაგრამ აუცილებლად ძილამდე 1,5-2 საათით ადრე
  • მხოლოდ თვალის გარშემო ძვლოვან ნაწილზე (თვალის ორბიტაზე) ქვემოდან ზევით, გრავიტაციის ძალის საწინააღმდეგოდ მიმართული მოძრაობებით
  • არ ვეხებით მოძრავ ქუთუთოს! წინააღმდეგ შემთხვევაში შეშუპების პროვოცირებას მოახდენთ

ვის სჭირდება?

აბსოლუტურად ყველას 25 წლის შემდეგ, რადგან სწორედ თვალების გარშემო ჩნდება პირველი ნაოჭები, სიმუქე და შეშუპება.

მნიშვნელოვანია!

არ დაგავიწყდეთ თვალების გარშემო არეს მზისგან დაცვა!

მზის სათვალე უნდა გეკეთოთ ზაფხულში და ნებისმიერ სეზონზე მზიან ამინდში!

ეტაპი 5: შრატი

შრატი არ არის ყოველდღიური მოვლის აუცილებელი პროდუქტი, მაგრამ რეკომენდირებულია, რადგან დაგეხმარებათ სწრაფი შედეგის მიღწევაში. შრატი არის კანისთვის სასარგებლო ნივთიერებების აქტიური კონცენტრატი.

რისთვის არის საჭირო?

შრატი ვიწრო მიმართულების კონკრეტულ პრობლემებს წყვეტს, მაგალითად:

  • გამონაყარის მკურნალობა
  • გაფართოვებული ფორების კორექცია
  • კანისთვის ჯანსაღი ფერის და შინაგანი ბზინვარების მინიჭება
  • ოვალის და სხვა მონაკვეტების ლიფტინგი
  • სისხლძარღვების კედლების გამაგრება
  • კანის ინტენსიური დატენიანება

ამის გამო თქვენს თაროზე შრატი ყველაზე ძვირიანი საშუალება შეიძლება იყოს!

როდის და როგორ გამოვიყენოთ?

  • შრატის გამოყენება შეიძლება ყოველდღიურად ან კურსებად (მაგალითად, სააზაფხულო და საშემოდგომო კურსი)
  • ყოველდღიურად დილით
  • დაბანის და ტონიზირების შემდეგ
  • შრატი სახის კრემამდე 2-3 წუთით ადრე დაიტანება

შრატი შეგიძლიათ გამოიყენოთ, შეგიძლიათ – არა, მაგრამ კრემი შრატის შემდეგ აუცილებელია! მის გარეშე შრატი კანის ზედპაირიდან უფრო ადრე აორთქლდება ვიდრე შეიწოვება.

ეტაპი 6: სახის კრემი

სახის კრემი ჩვენი კანის დაცვაა/ ამიტომ მას აუცილებლად ყოველდღიურად გამოვიყენებთ!

როგორ შევარჩიოთ?

გაითვალისწინეთ:

  • კრემის შემადგენლობა
  • კანის მდგომარეობა
  • კანის ტიპი
  • ასაკი
  • ალერგიები
  • კუპეროზი და მგრძნობელობა
  • სეზონი, რეგიონი (ამინდის თავისებურებები)
  • კრემის დანიშნულება

როდის გამოვიყენოთ?

  • ყოველდღიურად დილით
  • დაბანის, ტონიზირების შემდეგ
  • 2-3 წუთში შრატის შემდეგ

ვის სჭირდება?

აბსოლუტურად ყველას 18-20 წლიდან!

ამ ასაკამდე ორგანიზმი თავისით შეძლებს დაცვას ნაადრევი დაბერების ნიშნებისგან. გამონაკლისია – ძლიერი ყინვა ან აქტიური მზე. ასეთ შემთხვევებში კრემი ბავშვებსაც სჭირდებათ!

ყოველკვირეული მოვლა

პილინგი

პილინგი არის კანის ღრმა აქერცვლა და კანის მომზადება მოვლის პროდუქტების სასრგებლო კომპონენტების უკეთესი ათვისებისთვის. პილინგის შემდეგ რეკომენდირებულია ნიღბის გამოყენება, რადგან ეს მნიშვნელოვნად გაზრდის მის ეფექტურობას.

როგორი პილინგები არსებობს?

  • ენზიმური (შესაძლებელია მთელი წლის განმავლობაში ჩატარდეს)
  • ქიმიური (მჟავების გამოყენება მხოლოდ შემოდგომის და ზამთრის პერიოდში შეიძლება, მზიან სეზონზე პილინგის შემდეგ შეიძლება გაჩნდეს პიგმენტაცია. ქიმიური პილინგი სასურველია ჩაიტაროთ კოსმეტოლოგთან)
  • პილინგ გელი (სკატკა)

როდის გამოვიყენოთ?

  • მსუბუქი პილინგები – მაქსიმუმ კვირაში ერთხელ
  • ღრმა პილინგი – მაქსიმუმ 6 თვეში ერთხელ

მნიშვნელოვანია!

არ გამოიყენოთ სახეზე ნატურალური სკრაბები (დაფქული ყავის მარცვლები, გარგარის კურკა) და “კლარისონიკის” ტიპის ჯაგრისები და ამქერცლავი სპონჯების ნაირსახეობა.

რატომ? ამის შესახებ ხშირად ვწერთ და აქაც მოკლედ გავიმეორებთ, რომ ასეთი მექანიკური კანის დაზიანება მას მგრძნობიარეს ხდის, აღიზიანებს და გამონაყარის პროვოცირებას ახდენს. პრობლემური კანის შემთხვევაში კი ჯაგრისმა თუ სპონჟმა ჩირქიანი გამონაყარის მიკრობები შეიძლება ჯანსაღ ქსოვილებზე გადაიტანოს და გაამძაფროს ის სიტუაცია, რომლის გამოსწორებას ცდილობთ.

ნიღაბი

როდის და როგორ გამოვიყენოთ?

არც მეტი, არც ნაკლები – კვირაში ორჯერ. დღეები ისე შეარციტ, რომ მათ შრის დაახლოებით ერტნაირი დაშორება იყოს (მაგალითად სამშაბათი და პარასკევი ან ოთხშაბათი და შაბათი)

  • დაბანის და ტონიზირების შემდეგ
  • კვირაში ერთხელ ნიღბის წინ პილინგი ჩაიტარეთ
  • ზოგიერთი ნიღაბი არ არის რეკომენდირებული პილინგის შემდეგ, მაგალითად, გამწმენდი ან კარბონის.
  • იქონიეთ ორი სხვადასხვა დანიშნულების ნიღაბი: კვირაში ერთხელ (პილინგის დღეს) დამატენიანებელი იხმარეთ, და სხვა ჯერზე გამწმენდი.

როგორ შევარჩიოთ ნიღაბი?

ნიღაბი აარჩიეთ დანიშნულების მიხედვით:

  • თუ კანი ცხიმიანი და ანთებითი ელემენტები აღინიშნება – გამწმენდი
  • თუ დისკომფორტს (სიმშრალეს, დაჭიმულობას) განიცდით – დამატენიანებელი
  • თუ კანი ფერმკრთალი და უსიცოხლოდ გამოიყურება – დეტოქს-ნიღაბი
  • თუ კანზე სიწითლე და გაღიზიანებებია და მგრძნობელობა მომატებულია – დამამშვიდებელი
  • და ა. შ.

მთავარია გახსოვდეთ, რომ შეუძლებელია ჩვეულებრივი ადამიანი ერკვეოდეს ყველა ქიმიურ ნივთიერებაში და მათი კომბინირების წესებში. მაგრამ ეს არ ნიშნავს, რომ ბრმად უნდა ენდოთ წარწერას ფლაკონზე და ელოდოთ რეკლამის მიერ დაპირებულ საოცარ შედეგს. პასუხისმგებლიანად მოეკიდეთ იმ პროდუქტების შერჩევას, რომელსაც თქვენს კანზე გამოიყენებთ და დაიხმარეთ კოსმეტოლოგი ან დერმატოლოგი. ეს რჩევა განსაკუთრებით მათთვის არის, ვისაც გამონაყარი, აკნე, როზაცეა და კანის სხვა დაავადებები აწუხებს. დიახ ეს დაავადებებია და მათი მკურნალობისთვის ექიმი არის საჭირო!

კოსმეტოლოგიური კონსულტაცია კლინიკა “ტოტალ შარმში” უფასოა! დერმატოლოგიური – 50 ლარი.

გისურვებთ ჯანმრთელობას!

 

სრულად ნახვა
კომპანია APTOS-ის სოციალური პროგრამა სახის მიმიკური კუნთების პარეზის მქონე პაციენტებისთვის

სახის და სხეულის კანის დაჭიმვა Aptos ძაფებით არის ასაკობრივი ცვლილებების და რბილი ქსოვილების ფტოზის ეფექტური პროფილაქტიკა და მკურნალობა ოპერაციის, ნარკოზისა და ხანგრძლივი რეაბილიტაციის გარეშე. პროცედურის ჩატარება შესაძლებელია სახის და სხეულის ნებისმიერ მონაკვეთზე. პრაქტიკულად, ნებისმიერ მეთოდში შესაძლებელია როგორც გაუწოვადი, ასევე გამწოვი ძაფების გამოყენება. პროცედურის ჩატარების უფლება მხოლოდ ლიცენზირებულ სპეციალური სწავლების გავლის და შესაბამისი სერტიფიკატის მიღების შემდეგ აქვს.

ჩვენებები პროცედურის ჩატარებისთვის:

  • მოშვებული კანი სახესა და სხეულზე
  • ჩამოწეული წარბის კუთხეები
  • ღრმა ნაკეცები და ნაოჭები სახის შუა მესამედზე
  • სახის ოვალის კონტურის დარღვევა
  • გამოწეული ყურები
  • ცხვირის მცირეინვაზიური კორექცია
  • მოშვებული კანი კისრის არეში
  • კანის არმირება

გარდა ასაკობრივი ცვლილებების კორექციისა, კომპანია Aptos მთელი მსოფლიოს მასშტაბით სახის ნერვის დაზიანებით გამოწვეული ასიმეტრიის აღდგენას პაციენტებს სრულიად უფასოდ სთავაზობს!

სახის ნერვის დაზიანება შეიძლება გამოწვეული იყოს როგორც დაავადებებით ან ტრავმებით, ასევე სხვადასხვა ქირურგიული ჩარევით (ნეიროქირურგიული, ყბა-სახის ან პლასტიკური ოპერაციები), რაც იწვევ კუნთების სისუსტეს ან სრულ პარალიზებას და სახის ასიმეტრიას.

სამწუხაროდ მედიკამენტური, ფიზიოთერაპიული ან ქირურგიული მკურნალობით სასურველი შედეგი ხშირად ვერ მიიღწევა, ასეთი მკურნალობის ღირებულება საკმაოდ მაღალია, და ყველა პაციენტს არ აქვს საშუალება მსგავსი ჩარევები ჩაიტაროს.

როგორც წესი პაციენტები მკაფიოდ გამოხატული სახის ასიმეტრიით რთულად ადაპტირდებიან სოციუმში. მათ უმრავლესობას ჩაკეტილი ცხოვრების წესი, სოციალური დეზადაპტაცია და დეპრესიული მდგომარეობა ახასიათებთ. ხშირად სახის ასიმეტრია ბევრად რთული შესაგუებელია, ვიდრე მიმიკური აქტივობის დაკარგვა.

Aptos მეთოდები სახის ნერვის დაზიანებით გამოწვეული ასიმეტრიის კორექციისთვის

Aptos ძაფების ლიფტინგის მეთოდები მოშვებული კანის აწევის და ფიქსირების საშუალებას იძლევა. მეთოდის შედეგი დაუყოვნებლივ თვალსაჩინოა და ხშირად უფრო მდგრადია ვიდრე პაციენტებისთვის ასაკობროვივი ცვლილებების კორექციის დროს, რადგან სახის დაზიანებულ მხარეს მიმიკური აქტივობა შემცირებულია ან სრულად შეწყვეტილია.

Aptos მეთოდების დახმარებით, უკვე 10 წელზე მეტია, ექიმებს საშუალება აქვთ უფასოდ დაეხმარონ სახის ნერვის დაზიანების შედეგად სახის ასიმეტრიის მქონე პაციენტებს მათი ცხოვრების ხარისხის გასაუმჯობესებლად.

უფასო პროცედურების პროგრამაში მოსახვედრად საჭიროა:

  • ნევროლოგის დასკვნა დიაგნოზის დადასტურებით
  • ელექტრონეირომიოგრაფიის შედეგები
  • თანხმობა ფოტოგადაღებაზე სამეცნიერო გამოცემებში პუბლიკაციისთვის

საქართველოში, Aptos მეთოდების საშუალებით, სახის ნერვის დაზიანებით გამოწვეული ასიმეტრიის კორექციის უფასო პროცედურა შეგიძლიათ ჩაიტაროთ მეთოდის ავტორებთან კლინიკა „ტოტალ შარმში“

სრულად ნახვა
ტატუს მოშორების უსაფრთხო და ეფექტური მეთოდი

ტატუს მოშორების უსაფრთხო და ეფექტური მეთოდი

ტატუ ბოდიარტის პოპულარული მეთოდია, დღესდღეობით მსოფლიოში 20-30 მილიონი ადამიანს აქვს ერთი ან მეტი ტატუ. დაახლოებით 50% ნანობს ტატუს გაკეთებას, ზოგს საბოლოოდ მოცილება სურს, ზოგს გაღიავება ახალი ტატუს გასაკეთებლად.

კლინიკა „ტოტალ შარმში“ გამოვიყენებთ SPECTRA XT DUAL MODE Q-SWITCHED ND:YAG ლაზერს. Q-SWITCHED ლაზერი ყველაზე უსაფრთხო მეთოდია ნაწიბურების გაჩენის მინიმალური შანსით.

როგორია ტატუს მოშორების მექანიზმი?

სამედიცინო ლაზერის სხივი მნიშვნელოვნად აღიავებს ან სრულად აქრობს ტატუს. ლაზერის კონცენრტირებული ენერგია შლის პიგმენტს მცირე ნაწილაკებად, რომლებიც თქვენი იმუნური სისტემის მიერ მარტივად გაიწოვება. ეს ენერგია მიზანმიმართულად შთაითანქმება პიგმენტის მიერ, რაც მნიშვნელოვნად ამცირებს კანის დაზიანების შანსს.

რა შეგრძნებებია მოსალოდნელი პროცედურის მსვლელობისას?

პროცედურა არ მოითხოვს ანესთეზიას, მაგრამ შესაძლებელია ადგილობრივი გამაყუჩებელი მალამოს გამოყენება.

როგორ გამოიყურება კანი პროცედურის შემდეგ?

პროცედურის შემდეგ კანი ღია, მოთეთრო ფერის ხდება, ხოლო მის გარშემო შესაძლოა სიწითლე და შეშუპება გაჩნდეს. ეს ნორმალურია და კანის ტონი აღდგება ნელნელა. ინფექციის განვითარების შანსის შესამცირებლად დამუშავებულ მიდამოზე ანტიბაქტერიული მალამო გამოიყენება.

ნებისმიერი ფერის ტატუს მოშორებაა შესაძლებელი?

ნებისმიერი ფერის პიგმენტზე ზემოქმედება შესაძლებელია, მაგრამ გარკვეული ფერების ამოყვანა უფრო რთულია, მოითხოვს მეტ პროცედურას და მისი საბოლოოდ მოშორების დაბალი შანსი არსებობს. თეთრი, ყვითელი და კანის ფერის ტატუ უფრო რთულად მოსაცილებელია.

გაკეთებიდან რამდენ ხანში შეიძლება ტატუს მოშორება?

ახალგაკეთებული ტატუს მოშორება შესაძლებელია მინიმუმ 6 კვირის გასვლის შემდეგ, ეს დრო საჭიროა კანის სრულყოფილი რეაბილიტაციისთვის.

რამდენი პროცედურა დამჭირდება?

ტატუს საგრძნობლად გაღიავებისთვის ან მოცილებისთვის 5-15 ან მეტი პროცედურა შეიძლება იყოს საჭირო. პროცედურების რაოდენობა ოპტიმალური შედეგისთვის განისაზღვრება ტატუს ზომით, ადგილმდებარეობით, პიგმენტის ფერით, რაოდენობით და შეყვანის სიღრმით. პროცედურებს შორის რეკომენდირებულია 4-8 კვირიანი ინტერვალების დაცვა, რათა ორგანიზმმა შეძლოს მაქსიმალური რაოდენობის პიგმენტის გაწოვა ყოველი პროცედურის შემდეგ.

როცა საქმე ტატუს მოშორებას ეხება,

Spectra საუკეთესო ლაზერია!

 

სრულად ნახვა
მეტის ნახვა
ინფორმაცია ვერ მოიძებნა
ბათუმი
თბილისი
ბათუმი , პიაცა, ვ.გორგასლის ქუჩა #15
თბილისი , ვ.ორბელიანის ქუჩა #18
+995 32 2 18 18 14
reception@tcc.ge
0
Connecting
Please wait...
კონსულტაცია

დაგვიტოვეთ თქვენი შეკითხვა და ჩვენ მაქსიმუმ 48 საათში გიპასუხებთ

სახელი
* ელ. ფოსტა
* შეტყობინება
Login now
სახელი
* ელ. ფოსტა
* შეტყობინება
We're online!
Feedback